Jyotsna

Jab Raat ki chandrama ke shwet prakaash mein
Neer ke kohinoori swaroop ka ek shaant pradarshan hota hai
Tab eksaas hota hai jyotsna ki sarvvyapi upasthiti ka
Bharosa hota hai nisha mein prakash ki sarthankta ka.

Rajni ke andhkaar ka cheer haran karta ye adbhut chandra kan
Anayas hi ek nav jeevan jyoti ka sanchaar kar jata hai mann me
Maddham hote is vishwaas ko prakash se jeevit kar deta hai
Abhilashon ko unmadit kar naye pankh pradaan karta hai.

Yahi ho jeevan ka saaransh hai, roz ek nayi ummeed ke saath uthna
Jeevan ki sundar banane ke liye har pal prayaasrat rahna
Aur asafalta ko usi tarah jeevan se nikaal fenkna
Jis tarah amawas ka andhkaar gum jata hai jyotsna mein.

Har raat ke baad subah aati hai, mratu ke baad jeevan hota hai
Phir kunn kam hoti hai khushion ki awadhi jeevan mein
Kunn har kisi ko do gaj jameen aur sukoon naseeb nahi hota
Kunn banaye jate hain manav-hanta upkaran.

Kunn karte hain log apno se bagawat, dushmani
Kyaa is chhoti si jindagi ko bina matbhed nahi jee sakte
Agar kisi ko khushi nahi de sakte to kunn dete hai dard
Kunn eklaute sahare ko nigal jaata hai sahar se pahle ka andhkaar.

Afgan, Kashmir, East, kunn begunah log bante shakti pradarshan ka jaria
Agar takat hai to khud ko banao laayak itna
Ki United Nations ke pramukh ka auhda hasil kar sako
Tab bhi to kar paoge apne logon ka bhala, binaa khoon kharabe ke.

Jehaad ki na hogi koi jaroorat, sab rahenge aman sukoon se
Saare tyohar per khushian mil kar batenge
Gam na hoga koi is jahaan mein, Hongi to bas khushian, Jyotsna.