Utkarsh

Mere Jeevan ka ye ek naveen utkarsh hai..
Khaas hone ka wo ehsaas jo aaj se kuch saal pahle hota tha
Aaj phir ek baar usi ki anubhuti hui hai
Khushi ka sparsh kitna meetha ho sakta hai, iska andaaza hua hai.

Pichle dino ye sochne ka samay nahi mila, kunn nahi mila..
Man lagakar kaam mein laga hua tha nit naye aayam paane mein
Soch thi ki apne 'superior' ko gauravanvit karna hai
Par 2.5 saal baad yehi paya ki aakaon ke upbhoog ki vastu banta gaya hunn

Tay kiya ki andaazaa lagaun ki kahan pahuncha hunn mein
Aur nikal pada dilli ki barkha ke beech man me kai sawaal liye

Barish ki fisalti fuharon ke beech ja suvere-suvere
Ghar se nikala to bahut duvidhayen thi man mein
Sawaal tha ki kya 2.5 saal baal khasiyat badhi hai ya phir
Kai aur logon ki tarah mein bhi gart mein dhansta gaya hunn

Jaise jaise din dhala, khushi aur khas hone ki anubhuti hui
Tasalli thi ki mein aaj bhi BITSian kahlane ki patra-ta rakhta hunn
Khud ko kasauti par khara saabit kar jo sukhad ehsaas mila
Use kinhi shabdon mein pirona asambhav hai
Is ehsaah ko to sirf mehsoos kiya ja sakta hai.........