pratibimb

Kal unchi imaraton ke sahare se gujarte hua abhaas hua ki jindagi kitni teevrata se aage badhti jaa rahi hai. Abhi kal hi to is shahar mein aaya tha, kuch sapney sanjoye kai ummeedein liye. Prayaas tha jeevan ko ek mukkamaljahan mein bitane ka, in imaraton ki uchaion ko paar karne ka. Socha nahi tha ki samay itni tezi se beetega. Suna tha ki ek samay ke baad jeevan mein mukkamal rasta haasil ho jata hai, jahan se ehsaas hona prarambh hota haiki yahi meri chahat thi aur mein sahi disha mein jaa raha huun. Par abhi tak aisa kuch mahsoos nahi ho paa raha hai. Soch thi ki shayad mein hi ek aisa hunn jo is pashopesh mein padaa hai ki kyaa waakai ye jindagi hai jiska maine khwab dekhe the. Jab imaraton se nazar ghuma kar dekha to nazar aye kai dishaviheen, lakshya se bhatke hue log jinhone shaayad isi ko niyati maan kar jeeven jeene ka nischay kar liya tha. Kunn manuj ke bhav samay ke saath khseen padte jate hain, kuch hum laksh-viheen ho kar jeevan bhar kisi aur dwara taya kiye gaye lakshon...

TADPAYE TARSAYE RE DILLI KI SARDI Ek kalpanik anubhuti ki abhivyakti Raat ke barah baje jab ek naye din ka agaaz ho raha tha, Dilli ki sardi ki badan se rumaniyat badhti jaa rahi thi. Sardi itni ki tapte jism pe rakha paara bhi pighalne se inkaar kar de. Binaa gloves angulian jakad chuki thin, Dil dhadakne mein michauli kar raha tha. Har beetta pal ummeed ke sahare tha, is raah ko paar kar jane ki. Bus-Auto to band the aaj(Delhi-UP Bus issue), par mere liye nikalna jaroori tha. Kisi manjil ko mera intezaar tha aur lautne mein raat kaafi ho chuki thi. Bike 80 ki gati se sunsaan sadak par daud rahi thi. Gati kam karne ki haaton mein jaan nahi bachi the, sab kuch mano jam gaya tha. Himadri pe giri barf ki sheetalta dilli ki fizaa mein samahit ho chuki thi. Dimag ki aur rakt-pravaah rukk hi gaya tha. Koi lakshya nahi, koi manas nahi, bas swachalit vaahan aur us par sawar do insaan...jinki nason mein rakh pravaah tham chuka tha. Saans sirf isi ummeed mein chal rahi thi ki shaayad bike jald...

Jab Raat ki chandrama ke shwet prakaash mein Neer ke kohinoori swaroop ka ek shaant pradarshan hota hai Tab eksaas hota hai jyotsna ki sarvvyapi upasthiti ka Bharosa hota hai nisha mein prakash ki sarthankta ka. Rajni ke andhkaar ka cheer haran karta ye adbhut chandra kan Anayas hi ek nav jeevan jyoti ka sanchaar kar jata hai mann me Maddham hote is vishwaas ko prakash se jeevit kar deta hai Abhilashon ko unmadit kar naye pankh pradaan karta hai. Yahi ho jeevan ka saaransh hai, roz ek nayi ummeed ke saath uthna Jeevan ki sundar banane ke liye har pal prayaasrat rahna Aur asafalta ko usi tarah jeevan se nikaal fenkna Jis tarah amawas ka andhkaar gum jata hai jyotsna mein. Har raat ke baad subah aati hai, mratu ke baad jeevan hota hai Phir kunn kam hoti hai khushion ki awadhi jeevan mein Kunn har kisi ko do gaj jameen aur sukoon naseeb nahi hota Kunn banaye jate hain manav-hanta upkaran. Kunn karte hain log apno se bagawat, dushmani Kyaa is chhoti si jindagi ko bina matbhed nahi jee sakt...

Mere jeevan ka sachha humsafar hai ye raasta Kabhi durion se bhatkata, kabhi manjil ka aks dikhata Aage badhne ka nyota deta hai ye mera raasta Mera isiliye kunki ye bhi chahta hai ki main aage badhun Iske dwara sunischit mukaam haasil kar khushian paun Jevan ki nahi uchaion pa pahunch kar khwab pure karunn Har pal deta prerna chalte jane ki, aage badhne ki Mann ko romanchit kar dene us adbhut khoj ki talaash mein Ek nayaa romanch hai is yatra mein Dekhna hai ki raston mein mere liya kya rakha hai Par phir wohi aks mann mein ban uthta hai Kyaa is yaatra se waakai meri jeevan mein kuch badal jane wala hai Agar haan to isse kyaa kissi ki jindagi mein kuch bahaar aa payegi Mein nahi janta ki traffic light pe khade bachhe ki jindagi mein kyaa meri ye yaatra indra-dhanushi rang bharne me kaamyab hogi Par mujhe aage badhna hai, nirantar, aage sirf aage Kahte hain brahmand shunya mein vileen hota hai Ek din mujhe bhi shrishti ke niyam ka palan karna hoga Isi shunya mein vileen hone se pahle a...

Kahte hain 'Shukta hai Shukravaar hai.' Shukravaar ki ahmiyat jeevan mein achanak hi saans lene se jyaada ho gayi thi. Panch-divasiya karyashala ki samapti ke intezaar ka, dukhti aankhon ko sheetalta pradaan karne ka sunahra avsar hota hai ye shukravaar. AMRIT tulya mithas se bhara khushion ke dwar ke chabi le ke aata hai ye shukravaar. Manas ke vyaayam ki samapti ke suchak se kam nahi hai ye wafaadar jo har saptaah aakar mann ko aseem sukoon pradaan karta hai. Saath hi bhag-daud shuru hoti hai ticket-hunting ki. Doston ke saath ek achhi movie dekhna aur college ke masti bhare dino ki yaad tazaa ho uthti hai. Aaj phir shukravaar hai aur pichley kai hafton..maheenon ki vyastat-ta ke baad apne doston se milne ki soch se hi man harshit ho utha hai. Intezaar hai kal ka jab kaafi samay baad mulakat hogi purane doston se jinke saath college ke 4 saal rangeen the. Tab tak, broadband ke saath downloading pleasure.

Vishwa sundari se lekar abhinetri tak hamsafar hain ye RED CARPET kahlate ye galiyare No. 1 ki is daud mein chaal bahut khaas hai Hans hona jaroori nahi, chaal aana No.1 ka abhaas hai Galiyare aur bhi kai hain Unmein aham hai satta paksh ke galiyare Chanla shaan se unpar sabhi ko bhata hai Kaam na karna pade, ye kise satata hai Gira pull, dabi train, Kyaa karen ab bhai Chalo sabse pahle engineers ki jaye lagai Kiya barkhast Sr. engg, Sub Engg. ko tajjub hai ye dono kabhi gaye na the mauke-e-durghatna pe Sarkari karmchari kis din wafadari nibhayenge, Isi din to kaam ayenge. kyaa karein, yahi to niyam hai Daman apna rahe paak saaf, karo phir jise marji barkhast. Koi mai-ka-laal kuch na kah payega Sar jhukakar, hukum bajane chala jayega. Hamesha sar-maur raha hai, bana rahega Jane kitna kachra apne neeche chipayega ye Galiyara Hamesha dhake raha hai, chipata rageta Jo bhi naam de lo, mook bana hai ye Galiyara.

Kahan khoye wo bhavbhooti prathviraj ka sa tej nahi Wo angrej gaye, par amanavta kun yahin rahiye Desh hai mukti-gaan karta, par khush kunn har bachha nahi Bikwali to karte hain sabhi apni, koi bhavnaon ka dukandar nahi Kahi mann nahi, manavta nahi, kho jayen jismein ye dard wo anchal nahi..

Is jeev ke jeevan ka, is tan ki tadpan ka Bhavon ki abhivyakti ka, manas ke pradarshan ka Saaransh sirf itna hi hai, nibhana hai 'manu' ki smriti ko Sochta hai ye Prasoon, Karna hai sakaar antaratma ki sachai ko Banana ye ek sundar jahan, jismein sabhi rah sakein garv se Par ye sirf soch hai, sachhai itni alag kunn hai Prasoon jo chahe dev-prangan mein jaana Lekar jati use durr ye bayaar kunn hai Kah do in khwaishon se, durr ho jayen is mann-prangan se Akela kar dein mujhe, takrane dein is mithya ke ghamand ko Tabhi to samapt hoga manavta ka cheer-haran Hoga khushaal ye watan Jo tandav faila hai chahun aur ek dhikkari roop mein Haran kar manush ki saari akankshaon ka chala hai Lanka-Pati Ummeed hai ek din avtaar hoga RAM ka, Lanka mein lautega sukoon Manavta hogi dhanya, jeevan milega apne saraansh se Andhkar mitega, lautegi khushali is dharti pe Jayega aatank lautega aman aur sukoon Bhay nitega, Phir lautegi Jannat Kasmir main Is Jeevan ka saaransh se milan karwane hetu, Tab t...

Kitni hi baatein hote hain man mein, Juban kahne se chookti rahti hai Kitna hi chipayen hum apne dil ko, Palkein sab bayaan kar jati hain In mud-bhari aankhon mein dube to hazaaro hain, Par paar kar jaye wo parvanaa kahaan hai Doobna to sabhi ko aata hai, Dubakar chala jaye wo afsaana kahaan hai Is masti ke mastane to kai hain, Ise mast kar jaye wo deewana kahan hai Poorna satya ki Chahat sab rakhte hain, Paa jaye wo mahatma kaha hai

Ek aisee nishabdta thi vatavaran mein Mano shrishti ka har prani ruk kar is pal ka saakshi banna chahta hai Sab shant tha, theek vaise hi jaise kisi toofan ke pahle hota hai Uski un gahri ankhon mein kuch ankahi baatein thin Wo shaayad ek sailab kaid kar aai thi apne chhote se dil mein Aisee hi hansi thi uske labon par jab pahli baar hum miley the Nishabdta anjane mein ek saarthak dosti mein badal gai thi Anavarat khushion se bhare hue tha wo pal Aur uske baad ka har lamha uske rango se rangeen tha Kitne hi bheene anubhav hue the pichley ek maheene mein Is jahaan ki saari khushian mutthi mein aa simti thin Par aaj phir wohi nishabdta thi.. Antar tha to is baat ka ki is baar ye nishabdta dosti mein badalne nahi Durr ho jane ki thi Aaj jo hansi thi uske labon par wo shaayad rone ka andesha thi Dar lag raha tha ki kaise sambhaloonga us masoom ko Ashanka thi ki kahi wo daria baha to sara brahmaan vileen ho jayega Par aisaa kuch nahi hua, na dharti fati na asman tuta Kabhi socha nahi tha ki...