pratibimb

Kani suna hua... Wo jindagi hi kya jisme pyar na ho, Wo pyar hi kya jisme yaadein na ho. Wo yaadein hi kyaa jisme tum na ho, Wo tum hi kyaa jisme hum na ho. Meri taraf se.. Jab mein aur tum bane hum, Mite jindagi ka har gum(sorrow). Aur ayein nayi khushian har kadam, Jinme ho jayen hum gumm(lost).

Chalo kahin durr chalte hain Jahan panchion ka kalrav ho Jharne ki rim jhim ho Prakriti ki shanti mein kho jayen Durr kahin apna ek padaav dalen Jahan man prasann ho, tan pulkit Hriday mein neveen rakt ka sanchar ho Abhilasha ka pura hona jahan bemane ho Nirarthak ho sansar ka har bhautik sukh Swarth-parmarth ki phir kise chinta hogi Hum honge apni hi masti mein mast Jeevan ko puri tarah jeekar ayenge Ullas utsav manayenge Chalo kahin durr chalen Manaswee ki duniaa mein......

Amar rashtra, unmukt rashtra, ud-dand rashtra; yeh meri boli. Yeh sudhar samjhote wali mujhko bhati nahi aisee thitholi!! Mahakavi Makhan Lal Chaturvedi dwara likhit ye panktiyan, swrajya kaal ki protsahit karne wali panktiyon mein se thin. Aaj swrajya ki sansthapna hue 57ven varsh hone par bhi kitni satya hain ye panktiyan, visheshtah dusri line. Aaj kitna swatantra hunn mein, kitna azaad? Is prashn ka uttar dena shaayad abhi asaan nahi hai, par kuch batein jo purntah satya hai wo to likh hi sakta hunn. Is daud mein, jisme inaam-prateek anishchit hai, mein apne jaise kai saathion ke saath daud raha hun. Sabka lakshya, agyaat, aavran-baddh, abhikalpit, apurna evam asanvedniya. Kisi ka lakshya mgmt business objective ki chinta, to koi pada hai saal bhar ke liye milne wali pagaar vruddthi mein. Kisi ke liye product ki release jindagi se jyada aham ho rakhi hai, to koi bhaag raha shaadi mein padne se. Hum sabhi mein ek baat jo samaan hai, wo yeh hai ki sabhi apni vartmaan jindagi se khush...

Aaj ek lambe antraal ke baad kanon mein 'rastra gaan' ki dhun padi. Aisa prateet hua mano pal bhar ko badan mein sirhan daud gai ho. 'Om' ki dhvani ki bhanti gunjayman rastra-gaan badan mein josh jagaa gaya. Saath hi prarambh hua ek naye vichaar ka. Vichaar sarthakta ka, upyukt-ta ka. Kya isi tathakathit 'rat-race' ke liye humne swatantrata payi thi, isi andhe samaaj ko pane ke liye bharat mata ne desh mein kranti ka srijan karne ki anumati di thi? Is amanushta se achha to us samay hota atyachaar tha, kam se kam atyachari apne to na the. Aaj to apne log hi apno ka sansaar ujad rahe hain. Kya kusoor tha 'nithari'(noida- children killing) ke masoom bachhon ka. Chahunaur ek hi shor hai, bhartiya vanijya nayi uchaion ko chu raha hai, par manuj ka kya, wo to nirantar avnati ke path par shatabdi gati se badh raha hai. Uski aur kunn kisi ka dhyan nahi jaa raha. Shayad is bhag daud mein kisi ko samay hi nahi hai. Rashtra gaan ki bhav-purit dhun pe thirke wo mann...

Poornata paane ki is abhilasha mein Jeevann ki pagdandion pe daudte hue Ek mukam hasil karne ke nazdeek Aa paunchi hain aaj abhilashayen Ab kuch dhundhlapan samaa gaya hai In ankhon ke durr drishti mein Kareeb is mann ke aaj hai Alp viraap lene ki avashyakta Mein abhi is safar ko nahi rok sata Tai kaine hain lambe fasle Chalkar inhi durgam raston par Thak gaya hunn pichli yaatra se Samapt karna chahta hunn Purn viraam lagne ki sambhavna Isi hetu, Khud ko kinkartavya-vimudhta se Durr hi rakhna jaroori hai Vichar hai, is manas ko vishram dekar Ek nayi manjil ke liye taiyar karne ka Jaroorat hai jeevan mein is samay Ek alp viraam lene ki.